VETENNAMİNE.AZ saytının bölgə muxbiri Zahir Süleymanovun şəhid İsmayıl Fərhad oğlu Məmmədov haqqında hazırladığı xüsusi reportajı təqdim edirik.
Şəhidimizin atası Məmmədov Fərhad və anası Məmmədova Gülyaz ana oğluyla necə qürur duyduğunu bildirdi. Onlara göstərilən diqqətə və qayğıya görə Cənab prezidentə və Mehriban xanıma təşəkkürlərini bildirdilər.
Şəhid İsmayıl Məmmədov 1998-ci ildə Cəngan kəndində Azər Məmmədov adına tam orta məkdəbin 1-ci sinfinə daxil olmuşdur və həmin məktəbi 2009-cu ildə bitirmişdir. Sonra Şirvan şəhərində peşə məkdəbinə getmişdir. Məmmədov İsmayıl 2010-cu il aprel ayında həqiqi hərbi xidmətə yolanmış və 2011-ci il oktyabr ayında hərbi xidməti başa vurmuşdur. Məmədov İsmayıl Vətənə olan sevgisindən keçməmiş 2016-cı ildə Lənkəran şəhərində XTQ-nın Gürzə bölüyündə hərbi qulluqcu kimi işə daxil olmuşdur. Məmmədov İsmayıl 2018-ci ildə ailə həyatı qurmuş və bu evliliydən 2 övladı dünyaya gəlmişdir. Şəhidimizin övladları Məmmədov Cəlal və Məmmədova Lamiyə bizlərə əmanətdir.
Məmmədov İsmayıl ailəsini Allaha əmanət edərək 2020-ci il sentyabrın 27-də 2-ci Qarabağ müharibəsinə getmişdir. Fizuli, Cəbrayıl, Qubadlı, Hadrut, Xudafərin və Şuşanın azadlığı uğrunda gedən döyüşlərdə qəhramancasına döyüşmüş və Şuşa istiqamətində gedən döyüşlərdə qəhramancasına şəhid olmuşdur. Qəhramanlıq nümunəsi olan Məmmədov İsmayıl 2020-ci il noyabrın 11-də Sabirabad Rayonunun Cəngan kəndində dəfn olunmuşdu. Cənab prezidentin sərəncamı ilə “Şuşanın azad olunmasına görə”, “Fuzilinin azad olunmasına görə”, “Vətən uğrunda” medalı ilə təltif olunub.
Ruhun şad oldun Şəhidim. Şəhidimizin qardaşı qızı Fatimə əmisi haqqında bizə ətraflı məlumat verdi. Fatimə VETENNAMİNE.AZ saytına müraciət edərək onun əmisinin keçdiyi döyüş yolu haqqında paylaşım etməmizi istədi və VETENNAMİNE.AZ saytının rəhbərliyi Şəhidimizin qardaşı qızının arzusunu yerinə yetirdi.
Bölgə muxbiri Zahir Süleymanov
Vətən Naminə Mətbuat Xidməti
