Bilinən ən qədim güzgü Anadoluda tapılıb. Arxeoloq Ceyms Melleart tərəfindən Çatalhöyükdə tapılan güzgünün hekayəsi eramızdan əvvəl 6-cı əsrə aiddir.
“Güzgü güzgüsü, de görüm, bu dünyada məndən gözəli varmı?”. Bu sualı Qar Ağ və Yeddi Cırtdan nağılından hamımız xatırlayırıq. Keçmişdən günümüzə bir çox nağıllarda, hekayələrdə və ya filmlərdə öz yerini tapan güzgüləri ancaq bu gün qarşısında paltarımızda sınadığımız məişət əşyası kimi görə bilərik. Halbuki, əvvəllər güzgü sahibi olmaq cəmiyyətdə status göstəricisi hesab olunurdu. Bəs, həm bəzək materialı kimi istifadə olunan, həm də öz görünüşümüzü qavramağımıza və başqalarından fiziki olaraq necə ayrıldığımızı dərk etməyə imkan verən güzgüləri kim və nə vaxt icad edib? Gəlin bu suallara birlikdə cavab axtaraq.
Necə Görürük?
Bir cismi əks etdirən və ya işıq mənbəyindən çıxan şüalar gözə çatdıqda, biz həmin obyekti görürük. Gördüyümüz obyektin rəngi gözümüzə gələn işığın dalğa uzunluğundan asılıdır. Məsələn, qırmızı avtomobil qırmızı işığı əks etdirir, digər dalğa uzunluqlarının işığını udur. Avtomobildən əks olunaraq gözümüzə gələn şüalar qırmızı olduğu üçün maşını qırmızı kimi qəbul edirik.
Həlimə Əliyeva
