VETENNAMİNE.AZ xəbər verir ki, Biləsuvar rayonunda 8 noyabr “Zəfər Günü” münasibətilə Şirvan-Salyan Regional Təhsil İdarəsi Biləsuvar rayon Təhsil Sektorunun tabeliyində olan şəhid Famil Baxşəliyev adına şəhər 3 saylı Uşaq Bağçasında tədbir keçirilib, Vətən Müharibəsində qəhrəmanlıq göstərərək şəhidlik zirvəsinə ucalan 2 şəhidimizin adı, Əliyev Turan Sulduz oğlu və Xəlilzadə Əmrah İnqilab oğlunun adları siniflərə verilib.
Tədbirdə Biləsuvar rayon Təhsil Sektorunun nümayəndəsi Əlisəfa Qənbərov, QMƏVŞA İB Biləsuvar rayon filialının sədri Bəhruz Əliyev, şəhid valideynləri , qazilər, bağçanın direktoru Gülər Ağayeva, kollektivi və uşaqların valideynləri iştirak etdilər.
Tədbir şəhidlərimizin bir dəqiqəlik sükutla yad olunması və Azərbaycan Dövlət Himninin səslənməsi ilə başlandı.
Tədbiri idarə edən Bəhruz Əliyev 8 noyabr “Zəfər Günü”nün mahiyyəti barədə iştirakçılara məlumat verdi, 44 gün ərzində 30 ildən artıq işğal altında olan torpaqlarımızın Müzəffər Ali Baş Komandan İlham Əliyevin “Dəmir Yumruq” siyasəti ilə şəhidlərimizin və qazilərimizin canı-qanı bahasına azad olunmasını qeyd etdi. Ondan sonrakı dövrdə ərazilərimizn hissə-hissə azad olunaraq tam bütövləşməsi haqqında danışdı.
Daha sonra çıxış edən təhsil sektorunun nümayəndəsi Əlisəfa Qənbərov torpaqlarımızın işğaldan azad olunması istiqamətində canından, qanından keçən şəhidlərimizin şərəfli döyüş yolundan danışaraq, xalqımızın qürur yeri olan bu qəhrəmanlarımızın xatirəsi həmişə əziz tutulacaq, dövlət tərəfindən daim diqqət və qayğıyla əhatə olunacaqdır.
Digər çıxış edən şəhid valideynləri Abbasova Zəminə Kamal qızı, Xəlilov İnqilab Ulduz oğlu övladlarına göstərilən diqqət və qayğıya görə Birinci Vitse Prezident Mehriban xanım Əliyevaya və Prezidentimiz İlham Əliyevə ailələri adından minnətdarlıqlarını bildirdilər.
Tədbirin sonunda şəhidlərimiz Əliyev Turan Sulduz oğlunun və Xəlilzadə Əmrah İnqilab oğlunun adına verilmiş sinif otaqlarının açılışı oldu.
Allah Şəhidlərimizə Rəhmət Etsin!
Cənub regionu üzrə bölgə müxbiri Bəhruz Əliyev
Vətən Naminə Mətbuat Xidməti
