Əgər bu əməliyyat etnik mənsubiyyətə əsaslanan yönəlik həyata keçirilibsə, bu, təkcə Azərbaycan vətəndaşlarına qarşı deyil, eyni zamanda beynəlxalq insan hüquqlarına qarşı ciddi pozuntu kimi qiymətləndirilməlidir.
Biz bu cür yanaşmanın insan hüquqları, hüquqi dövlət prinsipləri və bərabərlik normaları ilə bir araya sığmadığını bildiririk. Heç bir halda etnik və milli mənsubiyyət cinayətlə eyniləşdirilə bilməz. Etnik zəmində zorakılıq və ya ayrı-seçkilik rəsmi dairələr tərəfindən təşviq olunursa və ya bilərəkdən susqunluqla qarşılanırsa, bu artıq təşkilatlanmış diskriminasiya və raşizm kimi qəbul olunur.
Azərbaycan cəmiyyəti bu hadisəyə kəskin etiraz edir, həmvətənlərimizin hüquqlarının pozulmasına qarşı birlikdə və səsli şəkildə mövqe nümayiş etdirməyin vacib olduğunu vurğulayır. Biz tələb edirik:
1. Hadisənin dərhal və obyektiv araşdırılması, ictimaiyyətin və beynəlxalq qurumların bu araşdırmaya cəlb olunması;
2. Həlak olan və yaralanan şəxslərlə bağlı aydın və şəffaf informasiya verilməsi;
3. Əgər hüquq-mühafizə orqanlarının fəaliyyəti zamanı qanun pozuntuları baş veribsə – məsul şəxslərin cəzalandırılması;
4. Azərbaycanın diplomatik nümayəndəliklərinin saxlanılan şəxslərlə görüşmək hüququ təmin olunmalı, onların hüquqları tam qorunmalıdır.
Bu cür hadisələr dövlətlərarası münasibətləri zədələyə, cəmiyyətlər arasında gərginliyə səbəb ola bilər. Biz inamla bildiririk ki, etnik vətəndaşlarımıza qarşı hər hansı ayrı-seçkiliyin qarşısı alınmalı və günahsız insanların hüquqları qorunmalıdır.
Azərbaycan xalqı və diasporası həmvətənlərinin arxasındadır. Heç kim bu cür zorakılıqla susdurula bilməz.
