Ya qazi ol ya Şəhid!

Bizlər döyüşə gedəndə orden və medallar üçün getmədik.Biz düşmənin işğalı altında olan ana  vətənimizi  azad etməyə getdik.Və dəyərimizi  Ulu Tanrıdan gözlədik. Rəbbimiz bizə 30 ilə yaxın sürən müharibədə qazilik rütbəsi  nəsib etdi və Şəhidlik zirvəsinə ucaltdı . Görkəmli  türk şairi Mehmet Emin Yurdakul bu barədə  dəyərli  kəlamlar demiş , şeirlər  yazmışdır . Türk övladı odur  ki, yurdu olan torpağı  doğma anası bilərək yad ayağını basmağa  qoymaz,   yad  bayraqların azan səsi gələn heç bir yerdə dalğalanmasına  imkan verməz. Vətən müharibəsinin başlamasını   1988-ci ildən saymaq olar.Bu müharibəni sülh müqaviləsi imzalananadək  bitmiş hesab etmək olmaz.Bugün Qaziləri ,Şəhid Ailələrini müxtəlif qruplara  1-ci Qarabağ Müharibəsi,2-ci Qarabağ Müharibəsi ,Tovuz döyüşləri kateqoriyalarına bölmək istəyənlər var .Onların əsas məqsədi Qazilər və Şəhid Ailələri birliyini parçalamaqdır.Qazi rütbəsini qazanmış və Şəhidlik zirvəsinə ucalanlar döyüşə qatılanda heçbir müxalifət və iqtidar partiyalarının mənafeyini qorumaq üçün döyüşmədilər. Onlar yalnız  işğal altında olan torpağı  düşməndən azad edib dövlətçiliyimizi qorudular. Bugün müxtəlif siyasi partiyalar Azərbaycan dövlətçiliyinin əleyhinə xidmət edən daxili və xarici qüvvələr Qazi və Şəhid Ailələrinin nüfuzundan istifadə edərək öz məqsədlərinə çatmaq istəyirdilər.Hər birimizin yadındadır 2003-cü il  Prezident seçkiləri öncəsi Qazilərimizi öz siyasi məqsədlərinə çatmaq üçün istifadə etdilər və nəticəsi xoşa gəlməyən hadisələrlə yadda qaldı.Hər bir Qazi və Şəhid Ailəsi bugün də dövlətçiliyimizin qorunub saxlanılması üçün əlindən gələni etməli və bu birliyin parçalanmasına imkan verməməlidir. Bu qüvvələr əsasən sıxıntı içində yaşayan sosial problemlərinin tam həllini tapmayan Qazilərdən və Şəhid Ailələrindən istifadə etməyə cəhd edirdilər.Qalib ordunun əsgəri bucür oyunlara qatılmalı deyil.Bəzi Qazilərimiz çətinliklə üzləşəndə intihara cəhd edir,özlərinə xəsarət yetirirlər.Hesab edirəm ki, Qazi rütbəsini qazanmış fədakar,qəhrəman vətən oğlu çıxış yolunu intiharda yox əksinə  ona qarşı ədalətsizlik edənləri vətənə sadiqliyi ilə intihar vəziyyətinə çatdırmaqda görməlidir.Məhz o halda  biz Qazilərə və Şəhid Ailələrinə  ədalətsizlik edən, biganə yanaşan məmurlarda vətənə sevgi hissi oyadaraq,onların da övladlarının vətənin keşiyində durmağa haır olduqlarını görə bilərik.Biz bütün Azərbaycan cəmiyyətində vətənə sevgi hisslərini oyatmalı,gənclərimizin vətənpərvərlik ruhunda yetişməsinə çalışmalıyıq.

 

Aris Məmmədov

Bir cavab yazın

Sizin e-poçt ünvanınız dərc edilməyəcəkdir.