Vetennamine.az- a verilən məlumata görə, ümummilli Lider Heydər Əliyev: “Hər bir Azərbaycan gənci hər şeydən çox, hər şeydən artıq müstəqil Azərbaycanın bugünü, gələcəyi haqqında düşünməlidir”.
01 fevral 2023-cü il tarixdə “Gənclər Həftəsi” çərçivəsində rayon Heydər Əliyev Mərkəzində Şabran Rayon İcra Hakimiyyəti və Gənclər və İdman İdarəsinin birgə təşkilatçılığı ilə “2 Fevral – Azərbaycan Gəncləri günü” münasibətilə “Heydər Əliyev və müstəqil Azərbaycan gəncliyi” mövzüsunda gənclərin iştirakı ilə toplantı keçirilmişdir.
Tədbirdən öncə rayonun bir qrup içtimai-fəal gəncləri Ulu öndər Heydər Əliyevin abidəsini və Şəhidlər Xiyabanını ziyarət etmişlər.
Toplantı Azərbaycan Respublikasının Dövlət Himni və ölkəmizin ərazi bütövlüyü uğrunda canını fəda etmiş şəhidlərimizin əziz xatirəsinin bir dəqiqəlik sükutla yad edilməsi ilə başlamışdır.
Tədbiri rayon Gənclər və İdman İdarəsinin rəisi Süleyman Əliməmmədov açaraq bütün azərbaycan gəncliyini təbrik etdi. Şabran Rayon İcra Hakimiyyəti başçısının İctimai-siyasi və humanitar məsələlər üzrə müavini İlkin Ağayev gəncləri təbrik edərək, bildirib ki, bu günün 1997-ci ildə ulu öndər Heydər Əliyevin sərəncamı ilə təsdiq olunması gəncliyə göstərdiyi diqqət və qayğının bariz nümunəsidir. Müstəqilliyimizin ilk illərində ulu öndər Heydər Əliyev tərəfindən əsası qoyulmuş gənclər siyasəti bu gün cənab Prezidentimiz İlham Əliyev tərəfindən uğurla davam etdirilir.
Tədbirdə İkinci Qarabağ Müharibəsi iştirakçısı Orxan Xıdırov, 2021-2022-ci tədris ilində ali məktəblərə qəbul imtahanında rayon üzrə ən yüksək bal toplamış Hikmət Cəbrayılov, gənc müəllimə Sona Nizamova, yeniyetmə idmançı Lalə Mədətova, Heydər Əliyev Mərkəzinin əməkdaşı Gülnar Xalıqova çıxış edərək gəncləri “2 fevral – Azərbaycan Gəncləri Günü” münasibətilə təbrik edərək, onlara uğurlar arzuladılar.
Tədbirdə 2022-ci il ərzində gənclər sahəsində səmərəli fəaliyyətinə görə bir qrup ictimai fəal gənc; Sahib Beybalayev, gənc müəllimə Sona Nizamova, mədəniyyət sahəsi üzrə fəal gənc Nurlan Fərhadlı, idarə tərəfindən keçirilmiş rəsm müsabiqələrin qalibi Fatimə Hacıyeva və gənclər sahəsində səmərəli fəaliyyətlnə görə rayon Heydər Əliyev Mərkəzinin kollektivi Gənclər və İdman İdarəsinin fəxri-fərmanları ilə təltif olunmuşlar.
Tədbirin sonunda İdarənin əməkdaşı Musa Hüseynov 2022-ci il ərzində görülən işlər barədə məlumatı təqdimat formasında iştirakçılara nümayiş etdirmişdir.
Əziz gənclər, gününüz mübarək!
Hər birinizi 2 fevral – Azərbaycan Gəncləri Günü münasibətilə ürəkdən təbrik edir, Sizə sevincli və uğur dolu həyat yolu arzu edirik.
Atayeva Günay
