İctimai Birliyin sədri Mehdi Mehdiyevin VETENNAMİNE.AZ saytına verdiyi məlumata əsasən, ilk görüş Sumqayıt şəhərində YAP-ın inzibatı binasında keçirilib. Görüş zamanı şəhid ailələri və Qarabağ müharibəsi iştirakçılarına, onların ailə üzvlərinə dövlətimizin uğurla apardığı sosial siyasətdən və bu sahə üzrə qəbul olunmuş qanunlar haqqında maarifləndirici məlumatlar verilib.
Sumqayıt Şəhər İcra Hakimiyyəti başçısı aparatının Vətən müharibəsi iştirakçıları və şəhid ailələri ilə işin təşkili şöbəsinin müdiri Tərlan Hacızadə tədbirdə çıxış edərək öz fikirlərini tədbir iştirakçıları ilə bölüşüb. Eyni zamanda, tədbir iştirakçılarına onların hüquqlarının, müvafiq qanunvericilik aktlarının və hər hansı problemlərinin hüquq müstəvisində həlli üçün müraciət edə biləcəkləri müəyyən ünvanların əks olunduğu kitabçalar hədiyyə edilib.
Layihə rəhbəri Mehdi Mehdiyevin sözlərinə görə, bu mövzuda görüşlərin, ümumilikdə respublikamızın 9 şəhər və rayonunda keçirilməsi planlaşdırılır.
Aris Məmmədov
Vətən Naminə Mətbuat Xidməti
