Tədbir zamanı iştirakçılar Vətən torpaqlarının azadlığı uğrunda canlarını fəda etmiş qəhrəman şəhidlərimizin abidəsini ziyarət edərək önünə gül dəstələri qoydular. Daha sonra çay süfrəsi ətrafında toplaşaraq keçmiş döyüş günlərindən, Vətənin azadlığı uğrunda göstərdikləri qəhrəmanlıqlardan və 44 günlük Vətən müharibəsi zamanı ordumuza arxa cəbhədə göstərdikləri maddi və mənəvi dəstəkdən bəhs etdilər.
Görüş zamanı yaxın gələcəkdə 1-ci Qarabağ müharibəsində döyüşdükləri ərazilərə səfər etməyi və həmin yerləri ziyarət etməyi planlaşdırdıqlarını bildirdilər.
Allah şəhidlərimizə rəhmət eləsin, qazilərimizə isə can sağlığı versin! Bu görüş bir daha Vətənin azadlığı uğrunda canından keçənlərin heç vaxt unudulmayacağını nümayiş etdirdi.
