Vetennamine.az xəbər verir ki, bugün xaçmaz Regional Mədəniyyət İdarəsi Siyəzən rayon Mərkəzi kitabxanası Ümummilli lider Heydər Əliyevin 100 illik yubileyi ilə əlaqədar “Heydər Əliyev-Azərbaycanın dövlət müstəqilliyi əbədidir,sarsılmazdır,dönməzdir” adlı şeir müsabiqəsi keçirib.
Tədbirdə Siyəzən rayon Mərkəzləşdirilmiş Kitabxana Sisteminin direktor səlahiyyətlərini icra edən Gülnar Muradova,Siyəzən rayon İcra Hakimyyətinin məsul işçisi Ramil Şirinov,Yeni Azərbaycan Partiyasının Siyəzən rayon təşkilatının sədr müavini Ramilə Seyidova,Siyəzən rayon Mədəniyyət Mərkəzinin direktoru Ziyadə Dadaşova,Media nümayəndələri Günay Atayeva, Sübhan Məmmədov,rayon ziyalısı Sürayyə Məcidova,rayon ziyalısı Məruzə İbrahimova,Siyəzən rayon 3 saylı orta məktəbin müəllimi Telman Məmmədov,Siyəzən rayon Uşaq Gənclər İnkişaf Mərkəzinin mədəni təşkilatçısı Aysel Rzayeva,yerli yazar Günəş Hüseyn,məktəblilər iştirak etmişdir.
Müsabiqə Azərbaycan Respublikasının Dövlət Himni ilə başladı.Ulu öndər Heydər Əliyevin 100 illik yubileyinə həsr olunan müsabiqədə Ümummilli lider Heydər Əliyevin əziz xatirəsi bir dəqiqəlik sükutla yad edildi.Müsabiqənin keçirilməsində məqsəd həyatını xalqına həsr edən dahi şəxsiyyət Heydər Əliyevin Azərbaycan tarixində dərin iz buraxan siyasi və dövlət xadimi kimi zəngin fəaliyyətini gənc nəslə aşılamaqdır.
Müsabiqədə şagirdlər Ulu Öndər Heydər Əliyev və vətənpərvərlik mövzusunda şeirlər söyləyiblər. Müsabiqə iştirakçılarının söylədiyi şeirlər münsiflər heyəti tərəfindən qiymətləndirilib. Nəticələrə uyğun olaraq şeir müsabiqəsinin qaliblərinə Fəxri Fərmanlar təqdim edililib.
Atayeva Günay
