VETENNAMİNE.AZ xəbər verir ki, Vətən müharibəsinin Biləsuvar şəhərindən şəhidimiz, XTQ mənsubu Mirişli Şəhriyar Bəxtiyar oğlunun anım günü ilə əlaqədar ata ocağı və məzarı ziyarət olundu. Ziyarətdə Biləsuvar rayon İcra Hakimiyyətinin şöbə müdiri Bəhruz Mirzəzadə, Deputatın köməkçisi Əfsun Əlizadə, YAP Biləsuvar rayon təşkilatının sədri Kamil Qurbanlı, AzQMƏVŞA İB Biləsuvar rayon filialının sədri Bəhruz Əliyev, SHXÇDX-nin Biləsuvar rayon şöbəsinin əməkdaşı, mayor Vasif Rzayev, şəhidin döyüşçü yoldaşları, şəhid valideynləri, qazilər, ictimaiyyətin nümayəndələri iştirak etdilər.
İştirakçılar qəhrəman şəhidimizin ruhuna dualar oxumuş və valideynlərinə baş sağlığı vermişlər.
Şəhid Mirişli Şəhriyar Bəxtiyar oğlu 01 mart 2002-ci ildə Biləsuvar şəhərində anadan olmuşdur. O, 2020-ci ildə həqiqi hərbi xidmətə başlamışdır. Vətən Müharibəsində XTQ mənsubu olaraq iştirak etmiş, Cəbrayıl və Füzuli rayonları istiqamətində gedən döyüşlərdə şücaət göstərmiş və Laçın rayonu uğrunda gedən döyüşlərdə düşmən hücumunun qarşısını alarkən qəhrəmancasına şəhid olmuşdur. 23 oktyabr 2020-ci il tarixində Biləsuvar şəhər qəbiristanlığında dəfn olunmuşdur.
Müzəffər Ali Baş Komandan tərəfindən şəhid Mirişli Şəhriyar Bəxtiyar oğlu ölümündən sonra 3-cü dərəcəli “Rəşadət” ordeni ilə, “Vətən uğrunda”, “Cəsur döyüşçü”, “Cəbrayılın azad olunmasına görə”, “Füzulinin azad olunmasına görə” və “Kəlbəcərin azad olunmasına görə” medalları ilə təltif edilib.
