VETENNAMİNE.AZ saytının Şabran rayonu üzrə bölgə müxbirinin verdiyi məlumata əsasən, bu gün Şabranda şəhid mayor Elşad Paşayevin il dönümü keçirilib.
Vətənin müdafiəsi uğrunda canından, qanından keçən qəhrəmanlarımız yurdumuzun bütövlüyü uğrunda canlarından keçməyi özlərinə şərəf bilən igid oğullarımızı hər bir Azərbaycan vətəndaşı tanımalı, onların keçdiyi şərəfli döyüş yolunu bilməlidir. Vətəni qorumaq kimi müqəddəs bir amal uğrunda döyüşə atılan və düşmənə sinə gələn qeyrətli Vətən oğullarını yad etmək, xatirələrini əziz tutmaq, onların adlarını əbədiləşdirmək bizim hər birimizin ən müqəddəs vəzifə borcudur.
Vətən uğrunda canından keçən qəhramanlar ölmürlər.
Ölməz qəhrəmanım, Azərbaycanın ərazi bütövlüyü uğrunda gedən döyüşlərdə şərəfli və şanlı bir yol keçmiş Mayor Elşad Paşayevdir.
Elşad Şirağa oğlu Paşayev 19.04.1982-ci ildə Xudat şəhərində dünyaya göz açmışdır. 1988-1997-ci illərdə Şabran şəhər M.Nəzirov adına 4 saylı tam orta məktəbdə təhsil alıb. Vətənə olan hədsiz sevgi onu hərbiçi olmağa yönləndirib.
Elşad Paşayev 1997-ci ildə Cəmşid Naxçıvanski adına hərbi liseyə daxil olur.Liseyi bitirdikdən sonra 2000-ci ildə Heydər Əliyevadına Azərbaycan Ali Hərbi Məktəbində təhsilini davam etdirir.
2004-cü ildə hərbi təhsilini başa vurub 2004-2005-ci illərdə Silahlı Qüvvələrin Təlim-Tədris mərkəzində Zabit ixtisas hazırlıq kursunu uğurla başa çatdırır. Zabitlik peşəsinin bütün sirlərinə yiyələnən qəhrəmanın çətin və şərəfli hərbiçi yolu burdan başlanır.
2005-2019-ci illərdə müxtəlif “N” saylı Hərbi Hissədə Motoatıcı bölüyünün tağım komandiri vəzifəsində çalışıb. 2019-2021-ci ildən “N” saylı h/h-də Qərərgah və Təchizat bülüyünün komandiri 2021-2022-ci ildən Maddi-Texniki Təminat bölməsinin bölmə rəisi və 2022-ci ildən ömrünün son xidmət gününədək Qərərgah rəisi vəzifəsində çalışmışdır.
Elşad Paşayev yiyələndiyi bütün vəzifələrdə və rütbələrdə ön sıralarda ən qaynar nöqtələrdə əsgərlərilə çiyin-çiyinə idi. Xidməti boyunca müxtəlif medal və fəxri fərmanlarla təltif olunmuşdur. 44 günlük Vətən Müharibəsində qəhrəmancasına döyüşüb.
Azərbaycan Respublikasının Prezidenti Ali Baş Komandan İlham Əliyev Tərəfindən “Suqovuşanın azad olunmasına “görə və “Vətən Müharibəsi İştirakçısı”medalları ilə təltif olunub.
Vətəninə Torpağına canı ilə bağlı olan Qəhraman Mayor ürəklərdə əbədi yurd saldı.
Nəsillər dəyişəcək qəhramanlar unudulmayacaq. Qəhramanın keçdiyi həyat yolu hər birimizin vətənpərvərlik məktəbidir.
