Ekologiya və Təbii Sərvətlər Nazirliyinin Mətbuat Xidmətindən VETENNAMİNE.AZ saytına bildirilib ki, Xəzər dənizi ilə milli parkın sərhədlərinin qovuşduğu ərazidə, açıq səma altında təşkil ediləcək yoqa təlimində “Yoga Shahi” studiyasının təcrübəli müəllimi Günel Əliyeva tərəfindən günəş enerjisi ilə zəngin yoqa nəfəs texnikası, sağlam həyat tərzi və şəxsi inkişaf mövzularında mühazirələr təşkil ediləcək, Psixoloji İnkişaf və Maarifləndirmə İctimai Birliyinin sədri, psixoloq Kamil Həmidov və geştalt terapevt Ayan Tağızadə tərəfindən isə psixoloji təlimlər aparılacaq.
Turun proqramı:
Samur-Yalama Milli Parkı ilə tanışlıq, “Tel bulağı” marşrutu boyunca gəzintiYoqa təlimiBiblioterapiyaGeştalt qrup çalışması
Tədbirdə iştirak ödənişsizdir. Yerlərin məhdud olduğunu nəzərə alaraq nəqliyyatdan istifadə edəcək şəxslər aşağıdakı linkə daxil olaraq 25 avqust saat 17:00-dək anketi doldurmaları xahiş olunur.
Bütün təbiətsevərləri xoş və yaddaqalan istirahət günü keçirmələri üçün Samur-Yalama Milli Parkına dəvət edirik.
Tədbirin keçirilmə yeri: Samur-Yalama Milli Parkı
Tədbirin başlama vaxtı: 27 avqust, saat 09:30 Nəqliyyatın yola düşmə məkanı və saatı: Ekologiya və Təbii Sərvətlər Nazirliyinin inzibati binasının qarşısı (K.Kazımzadə küç.,100 a), saat 06:30
Vətən Naminə Mətbuat Xidməti
