Şabran şəhəri 5 nömrəli tam orta məktəbdə VII qrant müsabiqəsində “ümumtəhsil məktəbləri” kateqoriyası üzrə qalib olmuş “Səhnəmin ulduzları” layihəsinin açılış tədbiri keçirilib. Açılış tədbirində müəllimlər, şagird və qonaqlar iştirak edib.
Azərbaycan Respublikası Elm və Təhsil Nazirliyinin Təhsildə İnkişaf və İnnovasiyalar üzrə VII qrant müsabiqəsi çərçivəsində maliyyələşdirdiyi “Səhnəmin ulduzları” layihəsinin rəhbəri və Şabran şəhər 5 nömrəli tam orta məktəbin direktoru İmarət Əsgərova çıxış edərək tədbirdə iştirak edən qonaqları salamlayıb. O, layihənin icrası zamanı qarşıya qoyulmuş vəzifələr və görüləcək işlər barədə tədbir iştirakçılarına ətraflı məlumat verib. Sonda layihənin icrası müddətində ona dəstək olan hər kəsə öz minnətdarlığını bildirib.Daha sonra qonaqlar da çıxış edərək layihə ilə bağlı fikirlərini söyləyiblər.
Qeyd edək ki, layihənin icra müddəti 20.09.2023-20.12.2023 tarixlərində planlaşdırılıb və layihənin əsas məqsədi Şagirdləri teatrın əsəsları və təcrübələri ilə tanış etmək, şagirdlərin daha çox sosiallaşma sının təmin edilməsi, şagirdlərin özlərini ifadə etməsi üçün şəraitin yaradılması, şagirdlərin planlaşdırma, işləri birgə icra edə bilmə və asudə vaxtlarının doğru şəkildə istifadə edilməsidir.
Atayeva Günay vetennamine.az xəbər portalı.
