Vetennamine.az-ın bölgə müxbiri xəbər verir ki, 18 may “Beynəlxalq Müzeylər günü” münasibəti ilə Pirəbədil Tarix muzeyində tədbir keçirilib. Tədbirdə Şabran rayon İcra Hakimiyyəti Başçısının Pirəbədil İnzibati Ərazi Dairəsi üzrə nümayəndəsi Ceyhun Məmmədov, Şabran rayon Mədəniyyət mərkəzinin direktoru Şəfiqə Məmmədova, Şabran rayon Heydər Əliyev Mərkəzinin direktoru Təvəkgül Əliyev, Şabran Poeziya evinin direktoru Aybəniz Əliyar, Pirəbədil kənd tam orta məktəbin Azərbaycan ədəbiyyat dili müəlliməsi Dilarə Məmmədova, gənc şair Nərminə Yunis, jurnalist Günay Atayeva, mədəniyyət işçiləri və yerli sakinlər iştirak edib. İlk olaraq tədbirdə dövlət himni səsləndirilib. Daha sonra çıxış edən Pirəbədil Tarix muzeyinin direktoru Pərvanə Mirzəyeva qeyd edib ki, hər bir xalqın tarixini özündə əks etdirən muzeylər milli-mənəvi sərfvətlərin qorunub saxlanılmasında, onun tədqiqi və təbliğində müstəsna rol oynayır. Azərbaycanda muzey işi XIX əsrin əvvəllərindən etibarən tədricən inkişaf etmiş və nəticədə müxtəlif tipli muzeylərin geniş şəbəkəsi yaranmışdır. 1970-ci illərin əvvəllərindən isə muzey işinə verilən diqqət və qayğı xüsusi qeyd olunmalıdı. Heydər Əliyevin Azərbaycan mədəniyyətində apardığı quruculuq işləri bu sahədə də öz əksini tapmışdır. Görkəmli şəxsiyyətlərimizin adının əbədiləşdirilməsi ilə bağlı xatirə, ev muzeylərinin yaradılması Heydər Əliyevin xalqımızın say-seçmə övladlarına verdiyi yüksək qiymətin nəticəsidir.
Tədbirdə çıxış edən digər natiqlər bildirdilər ki, Ümummilli Lider Heydər Əliyev tərəfindən muzey işinin inkişafı üzrə müəyyən edilmiş prioritetlər bu gün Azərbaycan Prezidenti İlham Əliyevin və Birinci vitse-prezident Mehriban Əliyevanın rəhbərliyi altında fəaliyyət göstərən Heydər Əliyev Fondu tərəfindən uğurla davam etdirilir. Belə ki, Azərbaycan dövlətinin uğurlu mədəniyyət siyasəti nəticəsində son illər muzeylərimizin dünyanın nüfuzlu muzeyləri ilə əlaqələri genişlənib, bu sahədə beynəlxalq əməkdaşlıq sahəsində yeni nailiyyətlər əldə edilib. Ümummilli Liderimizin siyasi irsinin öyrənilməsi, azərbaycançılıq məfkurəsinin formalaşdırılaraq inkişaf etdirilməsi məqsədilə yaradılan Heydər Əliyev muzeyləri isə respublikada muzey şəbəkəsinin genişləndirilməsi sahəsində mühüm hadisə kimi qiymətləndirilməlidir.Hazırda ölkəmizdə fəaliyyət göstərən muzeylər və onların ekspozisiyaları azərbaycançılıq məfkurəsini uğurla təbliğ edirlər.
Sonda tədbir iştirakçıları muzeydəki eksponatlara baxış keçirib. Pirəbədil kəndinin mətbəx nümunələri ilə tanış olublar.
Atayeva Günay
