Yol mədəniyyət, iqtisadiyyat ən əsası isə həyatdır. Lakin Şabran rayonunun Qazma kəndinin sakinləri bu dəyərlərdən uzaq düşüblər. Kənddaxili yolların acınacaqlı vəziyyətdə olması sakinlərə sözün əsl mənasında məşəqqət yaşadır. Yayda toz, payız və qış aylarında isə palçıq səbəbindən həm avtomobillərin həm də piyadaların hərəkətində ciddi çətinlik yaranır.
VETENNAMİNE.AZ saytının Şabran rayonu üzrə müxbiri xəbər verir ki, sakinlərin sözlərinə görə, yol problemi ilə bağlı müraciət etmədikləri orqan, döymədikləri qapı qalmayıb. Bununla belə quru vəddən başqa heç nə görməyiblər.
VETENNAMİNE.AZ sakinləri dinlədikdən sonra kənddaxili yolların təmirinə cavabdeh olan bələdiyyə sədri Atabala Şeydayevə müraciət etdik. Bələdiyyə sədri gələn ilin əvvəlində yolların təmir olunacağına söz verdi.
Ümid edirik bələdiyyə sədrinin bizə verdiyi söz, sakinlərə verilən vədlərə oxşamayacaq. Tezliklə Qazmalılar normal yolla hərəkət edəcək.
