AzQMƏVŞAİB-in cənub regionu üzrə bölgə müxbiri Bəhruz Əliyevin VETENNAMİNE.AZ saytına verdiyi məlumata əsasən. Lerik rayonunda şəhidimiz Haşimov Tərzan Qəhrəman oğlunun doğum günü qeyd olunub. Tədbir Bibiyani kəndində keçirilib.
Bu münasibətlə RİH-nin əməkdaşi İsgəndər Tahirli, YAP-ın Lerik rayon təşkilatinin sədr müavini Elnur Məmmədov, AzQMƏVŞAİB-in Lerik rayon filialının sədri Veysəl Məlikov, SHXÇDX-nin əməkdaşi Eşqin Fətullayev, YAŞAT fondunun Lerik rayonu üzrə nümayəndəsi Əlizamin Rzayev, şəhid ailələri, qazilər, kənd sakinləri şəhidimizin məzarını ziyarət edib, önünə gül dəstələri düzərək xatirəsini dərin ehtiramla yad ediblər.
Şəhid Haşimov Tərzan Qəhrəman oğlu 13 aprel 1989-cü ildə Lerik rayonunun Bibiyani kəndində anadan olmuşdur. XTQ-nin giziri olan şəhidimiz 2016-çı il aprel döyüşlərinin iştirakçisı olmuşdur.
Vətən müharibəsində Cəbrayıl və Füzuli rayonları uğrunda döyüşlərdə iştirak etmiş, Fizuli rayonu uğrunda gedən döyüşlərdə qəhrəmancasına şəhid olmuşdur.
Müzəffər Ali Baş Komandan İlham Əliyev tərəfindən döyüşlərdə göstərdiyi qəhrəmanlıq və şücaətə görə ölümündən sonra “Azərbaycan Bayrağı Ordeni”, “Vətən Uğrunda”, “Cıbrayılın Azad Olunmasına Görə”, “Xocəvəndin Azad Olunmasına Görə” və “Cəsur Döyüşçü” medalları ilə təltif olunmuşdur.
ALLAH ŞƏHİDLƏRİMİZƏ RƏHMƏT ETSİN!
QARABAĞ AZƏRBAYCANDlR!
