30 mart 2023-cü ildə Biləsuvar rayonunda şəhidimiz Qəmbərli Vüsal İlkin oğlunun doğum günü qeyd olundu.
Bunu VETENNAMİNE.AZ saytına cənub regionu üzrə bölgə müxbiri Bəhruz Əliyev bildirib. Bu münasibətlə Rayon İcra Hakimiyyətinin Vətən müharibəsi iştirakçıları və şəhid ailələri ilə bağlı işin təşkili şöbəsinin müdiri Bəhruz Mirzəzadə, deputatın köməkçisi Əfsun Əlizadə, SHXÇDX Biləsuvar rayon şöbəsinin əməkdaşı mayor Vasif Rzayev, Azərbaycan Qarabağ Müharibəsi Əlilləri,Veteranları və Şəhid ailələri ictimai birliyi Biləsuvar rayon filialının sədri , 2-ci qrup Qarabağ qazisi Bəhruz Əliyev şəhidin məzarını ziyarət etdilər, məzarının üzərinə gül dəstələri qoyaraq ruhuna dualar oxudular.
Şəhid Qəmbərli Vüsal İlkin oğlu 1995-ci il Biləsuvar rayonunun Günəşli kəndində anadan olmuşdur. Vətən Müharibəsində Qubadlı və Xocavənd rayonları uğrunda döyüşlərdə iştirak etmiş və düşmənin təxribatının qarşısını alarkən qəhrəmancasına şəhid olmuşdur.
Müzəffər Ali Baş Komandan İlham Əliyev tərəfindən ölümündən sonra
3-cü dərəcəli “Vətənə Xidmətə Görə” ordeni ilə, “Vətən Uğrunda”, “Xocavəndin Azad Olunmasına Görə” medalları ilə təltif olunmuşdur.
Ailəli idi. Şəhid olduqdan bir ay sonra Rəsul adlı övladı dünyaya gəlmişdir, dövlətimizə əmanətdir.
ALLAH ŞƏHİDLƏRİMİZƏ RƏHMƏT ELƏSİN!
QARABAĞ AZƏRBAYCANDlR!
