Vetennamine.az saytının Cənub regionu üzrə bölgə müxbiri Bəhruz Əliyevin verdiyi məlumata əsasən ,
15 mart 2023-cü il Şəhid Pərvin Səlahəddin oğlu Əliyevin doğum günü idi.Bu münasibətlə RİH-nin Vətən Müharibəsi İştirakçıları və Şəhid Ailələrinin təşkili şöbəsinin müdiri Bəhruz Mirzəzadə,Deputatın köməkçisi Əfsun Əlizadə,YAP Biləsuvar rayon təşkilatının sədrinin müavini Aqşin Qasımov,Azərbaycan Qarabağ Müharibəsi Əlilləri,Veteranları və şəhid ailələri ictimai birliyinin Biləsuvar rayon filialının sədri, 2-ci qrup Qarabag qazisi Bəhruz
Əliyev şəhidimizin ata ocağına baş çəkərək anası Rəfiqə müəllimə ilə görüşdülər.Şöhbət zamanı şəhidimiz Pərvinin vətənpərvərliyindən,döyüşlərdə göstərdiyi qəhrəmanlığından danışdılar. Xatırladaq ki, Şəhid Pərvin Əliyev 2014-cü il 1-3 avqust tarixlərində Azərbaycan-Ermənistan təmas xəttində baş verən döyüşlərdə şəhid olub. Ölümündən sonra “HƏRBİ XİDMƏTLƏRƏ GÖRƏ”3-cü dərəcəli medalla təltif olunub. Ailəli idi,bir qızı,bir oğlu dövlətimizə əmanətdir.
ALLAH ŞƏHİDLƏRİMİZƏ RƏHМƏT ELƏSİN!
Vətən Naminə Mətbuat Xidməti
