Cənub regionu üzrə bölgə müxbiri Bəhruz Əliyevin VETENNAMİNE.AZ saytına verdiyi məlumata əsasən, bu münasibətlə onun yaşadığı və böyüyüb boya-başa çatdığı ata evinə baş çəkilib, məzarı ziyarət olunaraq əziz xatirəsi dərin ehtiramla yad olunub.
Ziyarətdə Biləsuvar Rayon İcra Hakimiyyətinin Vətən Müharibəsi İştirakçıları və Şəhid Ailələri ilə işin təşkili şöbəsinin müdiri Bəhruz Mirzəzadə, deputat köməkçisi Əfsun Əlizadə,YAP Biləsuvar rayon təşkilatının sədri Kamil Qurbanlı, Azərbaycan Qarabağ Müharibəsi Əlilləri, Veteranları və Şəhid Ailələri İctimai Birliyinin Biləsuvar rayon filialının sədri Bəhruz Əliyev, SHXÇDX Biləsuvar rayon şöbəsinin rəisi, polkovnik Nağı Cəfərov, şəhid valideynləri, ictimaiyyətin nümayəndələri iştirak edib.
Qeyd edək ki, şəhid gizir Əlizadə Tahir Qəribəli oğlu Vətən Müharibəsində Cəbrayıl, Füzuli, Qubadlı və Şuşa rayonlarının azadlığı uğrunda düşmənə qarşı döyüşlərdə iştirak etmiş və noyabrın 8-də Şuşa döyüşlərində şəhid olmuşdur.
Müzəffər Ali Baş Komandan cənab İlham Əliyev tərəfindən “ölümündən sonra” döyüşlərdə göstərdiyi qəhramanlıqlarına görə “VƏTƏN UĞRUNDA”, “DÖYÜŞLƏRDƏ FƏRQLƏNMƏYƏ GÖRƏ”, “FÜZULİNİN AZAD OLUNMASlNA GÖRƏ”, “ŞUŞANlN AZAD OLUNMASlNA GÖRƏ” medalları ilə təltif olunmuşdur.
Xatırladaq ki, şəhidimiz Əlizadə Tahirin digər qardaşı Qarabağ Müharibəsi iştirakçısı Əliyev Telman Qəribəli oğlu 2-ci qrup əlilidir.
ALLAH ŞƏHİDLƏRİMİZƏ RƏHMƏT ELƏSİN!
Aris Məmmədov
Vətən Naminə Mətbuat Xidməti
