Vetennamine.az saytının Cənub regionu üzrə bölgə müxbiri Bəhruz Əliyevin verdiyi məlumata əsasən ,
12 mart 2023-cü ildə Biləsuvar rayonunun Günəşli kəndindən Vətən müharibəsinin şəhidi Cəfərov Telman Nadir oğlunun doğum günü qeyd edildi. Bu münasibətlə şəhidimizin evinə baş çəkilib, ailəsi və övladları ilə görüşüldü, problemləri ilə maraqlanılıb. Daha sonra məzarı ziyarət olunub, ruhuna dualar oxunub.
Tədbirdə RİH-nin şöbə müdiri Bəhruz Mirzəzadə, Deputatın köməkçisi Əfsun Əlizadə, SHXÇDX Biləsuvar rayon şöbəsinin əməkdaşı Vasif Rzayev, Azərbaycan Qarabağ Müharibəsi Əlilləri, Veteranları və Şəhid ailələri İctimai Birliyinin Biləsuvar rayon filialının sədri , 2-ci qrup Qarabağ qazisi Bəhruz Əliyev, şəhid valideynləri və Ağsaqqallar
Şurasının üzvləri iştirak etmişlər.
Şəhid Cəfərov Telman Nadir oğlu döyüşlərdə göstərdiyi şücaət və qəhrəmanlıqlara görə Müzəffər Ali Baş Komandan İlham Əliyev tərəfindən “VƏTƏN UĞRUNDA”, “SUQOVUŞANIN AZAD OLUNMASINA GÖRƏ” və “İGİDLİYƏ GÖRƏ “medalları ilə təltif olunmuşdur. Ailəli idi, üç azyaşli övladi dövlətimizə əmanətdir.
ALLAH ŞƏHİDLƏRİMİZƏ RƏHMƏT ELƏSiN!
QARABAĞ AZƏRBAYCANDIR!
Vətən Naminə Mətbuat Xidməti
