VETENNAMİNE.AZ xəbər verir ki, layihə, Tərtər, Bərdə, Ağdam rayonlarında və Naftalan şəhərində həyata keçirilib.
Layihə çərçivəsində Tərtər, Bərdə, Ağdam rayonları və Naftalan şəhərində məşğulluq mərkəzlərinə müraciət edən və işlə təmin olunmaq arzusunda olan şəxslər üçün gələcək bizneslərinin inkişafına kömək etmək məqsədilə özünəməşğulluq proqramı daxilində təklif olunan sahənin seçimi üzrə təlimlər keçirilib.
Təlimlərdə, iştirakçılar müəyyən bilik və bacarıqlara yiyələnərək, özünəməşğulluq proqramına qoşulmaq səriştələrini artırıb, qarşılaşdıqları problemlər qismən öz həllini tapıb. Həllini tapmayan problemlər barəsində isə aidiyyəti qurumlara müraciətlər hazırlanıb.
Təlimdə Vətən müharibəsi iştirakçıları və şəhid ailələri ilə işin təşkili şöbəsinin vəzifəli şəxsləri və digər qeyri-hökumət təşkilatlarının vəzifəli şəxsləri iştirak ediblər. Əsasən vətəndaşların sosial problemlərinin həlliyönümlü maarifləndirmə işi aparılıb və sonda onlara biznes planın hazırlanması istiqamətində praktiki dəstək göstərilib.
Qeyd edək ki, layihə Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə həyata keçirilir.
Vətən Naminə Mətbuat Xidməti
