Bugün Azərbaycanı yenə qara buludlar bürüyür.Bir tərəfdən Kremlin Qarabağ bölgəsinə göndərdiyi agenti Vardanyanın referendum xülyası , o biri tərəfdən Azərbaycana qarşı Dinsiz İran Respublikasının paytaxtı Tehran şəhərində səfirliyimizə edilən terror hücumu nəticəsində Şəhid verməyimiz və İranın Azərbaycanda olan cəsus şəbəkəsinin hərəkətə keçmələri.Məlumat üçün bildirik ki vetennamine.az saytı İranda sivil islam dövlətinin ( təriqətsiz və məzhəbsiz ) yaranmasına qədər İranı Dinsiz İran respublikası kimi ( DİR ) tanıyacaq .Artıq DTX qabaqlayıcı tədbirlər həyata keçirərək cəsus şəbəkənin fəaliyyətinin dayandırılması məqsədilə xüsusi əməliyyat həyata keçirirlər. Qarabağda Vardanyan saxta referendum keçirməklə üzdəniraq ” Artsax” respublikasını Rusiyanın tərkibinə daxil etmək fikrinə düşmüşdür.Məhz Azərbaycan Respublikasının Prezidenti İlham Əliyevin uzaqgörən siyasəti nəticəsində Qarabağda yaşayan ermənilərə ciddi xəbərdarlıq etməklə bu məsələyə son qoymuşdur.
Müzəffər və Rəşadətli Ordumuz 44 günlük savaşda türk dünyasına sevinc hisslərini yaşadan zaman Azərbaycan xalqı öz müdrikliyini nümayiş etdirdi. Belə ki , siyasi partiyalar və Azərbaycan xalqı bir yumruq kimi Silahlı Qüvvələrin Ali Baş Kamandanının ətrafında birləşərək ordumuza dayaq oldu və nəticədə işğal altında olan ərazilərimiz ordumuz tərəfindən işğaldan azad edildi.Hal-hazırdaki vəziyyət ürəkaçan olmadığına görə siyasi partiyaları Azərbaycan naminə ambisiyalarını , siyasi məqsədlərini kənara qoyaraq fars-molla rejimindən xilas olmaq məqsədilə yenə də Prezidentin ətrafında birləşərək Azərbaycanda mövcud olan İranın cəsus şəbəkəsinin fəaliyyətinə son qoymaq üçün xalqla birlikdə səfərbər olmalıdırlar.
Aris Məmmədov
Vətən Naminə Mətbuat Xidməti
