Regional inkişaf iki mühüm konsepsiyadan ibarətdir. Bu məfhumlardan biri olan region, cızılması çətin olan çoxölçülü, məzmunca mahiyyətcə coğrafi bir anlayışdır. Bölgə həmin coğrafi müstəvidə yer səthinin formaları, iqlimi, bitki örtüyü və sosial-iqtisadi və ya demoqrafik quruluşu baxımından ətrafdan ayrılmış yerin və ya ölkənin bir hissəsidir. Bu baxımdan region insanların formalaşdırdığı müxtəlif icmalar daxilində qarşılıqlı əlaqələri və sosial-iqtisadi asılılıqları təşkil edən strukturlardan ibarətdir. İnkişaf isə, inkişaf etməmiş ölkələrin bəzi iqtisadi tənzimləmələr və ya xarici yardımlar vasitəsilə inkişaf etmiş ölkələri tutmaq cəhdidir. İnkişaf etməmiş ölkələrin inkişaf etmiş ölkələr səviyyəsinə çatmaq üçün apardıqları strategiya və siyasətlər iqtisadiyyatın bir alt qolu olan inkişaf iqtisadiyyatını təşkil edir.
Regional inkişaf bir ölkədə regionlar arasında iqtisadi inkişaf fərqlərini azaltmaq və/və ya aradan qaldırmaq üçün bütün iqtisadi fəaliyyətlərdir. Dövlət orqanları regional inkişafı təşviq edən təcrübələri həyata keçirməklə bu regionların infrastrukturunu yaxşılaşdırmaq üçün tədbirlər görür. Hər bir ölkənin özünəməxsus iqtisadi quruluşu, inkişaf şərtləri və sistematikası var. Az inkişaf etmiş ölkələrdə regionlar arasında iqtisadi, fiziki və sosial fərqlər daha çoxdur. Qıt resurslarından istifadə edərək inkişaf etməyə çalışan az inkişaf etmiş ölkələr regional inkişaf yolu ilə ölkənin iqtisadi səviyyəsini yüksəltməyi hədəfləyirlər. Ölkədə müxtəlif regionların sosial-iqtisadi strukturunun təkmilləşdirilməsi üçün resursların səmərəli bölgüsü, sosial-iqtisadi inteqrasiyanın təmin edilməsi və regionlar arasında rifah səviyyəsinin yüksəldilməsi son dərəcə vacibdir.
Həlimə Əliyeva
Vətən Naminə Mətbuat Xidməti
