Milli Mətbuatın 148 illiyi Qubada da qeyd edilib.
Vetennamine.az ın bölgə müxbiri xəbər verir ki, rayon mərkəzindəki Media Şəhidlər Parkında təşkil edilən mərasimdə İcra hakimiyyəti başçısının səlahiyyətlərini müvəqqəti icra edən birinci müavin Tariyel İbrahimovla yanaşı, rayon ictimaiyyətinin nümayəndələri və bölgədə fəaliyyət göstərən jurnalistlər iştirak ediblər. Əvvəlcə Azərbaycanın ərazi bütövlüyü uğrunda canlarından keçmiş qəhrəman şəhidlərin, eləcə də erməni təxribatı nəticəsində şəhid olan jurnalistlərin xatirəsi 1 dəqiqəlik sükutla yad edilib. Daha sonra çıxış edənlər Azərbaycan mətbuatının tarixindən danışıblar. Bildirilib ki, ölkədə ilk mətbu orqanın, əsasını Həsən bəy Zərdabinin qoyduğu “Əkinçi” qəzetinin nəşrə başlamasından 148 il ötür. 1875-ci il iyulun 22-dən 1877-ci ilin sentyabrınadək “Əkinçi”nin cəmi 56 sayı işıq üzü görüb. Lakin onun Azərbaycan milli mətbuatının təşəkkül tapmasında, inkişafında əvəzsiz rolu olub. Əsasən maarifçilik missiyasını üzərinə götürmüş “Əkinçi” az müddətdə həm ziyalı təbəqə, həm də sadə insanlar arasında çox məşhurlaşıb. Ötən dövr ərzində Azərbaycan mətbuatı uğurlu inkişaf yolu keçib, Ulu Öndər Heydər Əliyevin qayğısı sayəsində daha da inkişaf edib. Prezident İlham Əliyevin diqqəti və qayğısı sayəsində isə daha müasir çağırışlara cavab verən, operativ mətbuat halına gəlib.
