Səfər çərçivəsində sədr müavini M.Sultanbekov ilə AzQMƏVŞAİB-in ofisində görüş keçirilmiş, ictimai birliklərin fəaliyyətləri ətrafında müzakirələr aparılmışdır.
VETENNAMİNE.AZ saytının görüşdə iştirak edən müxbirinin verdiyi məlumata əsasən, M.Sultanbekov tərəfindən AzQMƏVŞAİB-in sədri Mehdi Mehdiyev və sədr müavini Əlisafa Quliyev “Qazaxıstan Respublikası Dağlıq Qarabağ Veteranları və Əlilləri İttifaqı” İctimai Birliyinin təsis etdikləri ordenlə təltif edilmiş, öz növbəsində AzQMƏVŞAİB-in idarə heyətinin qərarı ilə “Qazaxıstan Respublikası Dağlıq Qarabağ Veteranları və Əlilləri İttifaqı” İctimai Birliyinin sədri Erqoli Bozarboev və sədr müavini Muratxan Sultanbekov “Vətən Naminə” medalı ilə təltif olunmuşlar.
Görüşdən sonra, M.Sultanbekov Şəhidlər Xiyabanına gələrək şəhidlərimizi ziyərət etmiş, Milli Qəhrəman Mübariz İbrahimovun, 1994-cü ildə şəhid olmuş Qazaxıstanlı şəhid Yerbol Barımbetovun məzarına gül dəstələri qoymuşdur. Eyni zamanda, o Qaradağ rayonunun Lökbatan qəsəbəsində şəhidlərimizin xatirəsinə qurban kəsdirmiş və özü şəxsən onları şəhid ailələri və qazilərə paylamışdır.
Azərbaycanda fəaliyyət göstərən Okuklu Holdinq, başda holdinqin rəhbəri Yılmaz Okuklu və İsmail Kahrıman olmaqla, o cümlədən Azərbaycanda çalışan tarixçi jurnalist Hasan Barının iştirakı ilə qonaqımıza ziyafət verilmiş, türk dilli dövlətlərin rifahının gücləndirilməsi istiqamətində hər bir təşkilatın, holdinqin əlindən gələn köməkliyi göstərməsi barəsində müzakirələr aparılmışdır.
M.Sultanbekov Qazaxıstanın milli geyimlərini Yılmaz Okuklu və Hasan Barına hədiyyə etmişdir.
Sonda xatirə şəkli çəkilmişdir.
Vətən Naminə Mətbuat Xidməti
