Ofislərdə və evlərdə həyatımızın bir hissəsinə çevrilən printerlərin tarixi təsəvvür etdiyinizdən də çox qədimdir! İndiki printerlər ilk versiyalarından xeyli fərqlənir. Texnoloji inkişafın bütün üstünlüklərindən istifadə edərək, printerlər orijinal məqsədlərindən daha çoxunu təklif edirlər. İndi aşağıdakı başlıqları araşdıraraq printerin tarixi haqqında öyrənə bilərsiniz.
Printeri kim icad edib?
Dünyada ilk printer 1938-ci ildə Chester Carlson tərəfindən icad edilmişdir. İlk printerdə istifadə olunan texnologiyaya elektrofotoqrafiya; yəni indiki adı ilə Xerox adlanırdı. Bu quru çap texnikası sayəsində printer texnologiyası ortaya çıxdı.
İlk lazer printer nə vaxt istehsal edilib?
Bu gün ən çox istifadə edilən printer növlərindən biri olan lazer printerlər ilk dəfə 1971-ci ilin noyabrında ortaya çıxdı. Xerox mühəndisi Gary Starkweather klassik Xerox (quru çap) üsuluna lazer şüası əlavə etməklə bu gün istifadə etdiyimiz lazer printerlərin əsasını qoydu. Lazer printerlərin inkişafı və ilk prototipinin istehsalı 1971-ci ildə həyata keçirilsə də, bu printer növü ilk dəfə 1977-ci ildə “Xerox 9700” adlı modellə istifadəçilərə təqdim edilmişdir.
İlk Inkjet printer nə vaxt istehsal edilib?
İlk inkjet printer 1978-ci ildə tarix səhnəsinə çıxsa da, həqiqətən uğurlu sayılan və istifadəçilər tərəfindən qəbul edilən ilk mürəkkəb püskürtməli printer 1988-ci ildə Hewlett-Packard tərəfindən “Thinkjet” adı ilə bazara təqdim edildi.
Bu texnologiyanı ilk dəfə kimin kəşf etdiyi və istifadə etdiyi mübahisəlidir. Canon və Hewlett-Packard bir neçə ay fərqlə inkjet printer modelini patentləşdirmək üçün müraciət etdilər. Əslində, Canon mühəndislərindən biri İçiro Endo 1977-ci ildə bu texnologiyadan istifadə edərək “Canon Bubblejet” adlı printer istehsal etdi. Lakin printerin həcmli olması kimi texniki problemlərə görə printer qəbul oluna bilmədi və rəfdə qaldı. İlk geniş istifadə olunan mürəkkəb püskürtməli printer Hewlett-Packard-ın “Thinkjet” idi.
Həlimə Əliyeva
