Ziyarətdə Azərbaycan Qarabağ Müharibəsi Əlilləri, Veteranları və Şəhid Ailələri İctimai Birliyinin (AZQMƏVŞAİB) İmişli rayon filialının sədri Qardaşov Ələddin, N.Şirinov adına 5 saylı məktəb-liseyin direktoru Validə müəllimə, müəllim heyəti və şagirdlər iştirak etdilər.
Tədbir zamanı şəhidin həyat və döyüş yolu barədə ətraflı danışıldı. Məktəblilər şəhidin qəhrəmanlığını əks etdirən şeir və kompozisiyalar səsləndirərək, şəhid ailəsinə dərin ehtiramlarını bildirdilər. Bundan əlavə, şagirdlər şəhid Bəylərov Elnur Etibar oğlunun şəklini çəkib ev muzeyinə hədiyyə etdilər.
Şəhidin ailə üzvləri, iştirakçılar və təşkilatçılar tədbirin sonunda Vətən uğrunda canından keçmiş bütün şəhidlərimizin ruhuna dualar oxudular. Şəhidlərin xatirəsi hər zaman uca tutulacaq və onların göstərdiyi qəhrəmanlıq gələcək nəsillərə örnək olacaqdır.
Allah bütün şəhidlərimizə rəhmət eləsin!
