Vətənin və xalqın müdafiəsinə hər an hazır olmaq üçün gənclərin vətənpərvərlik tərbiyəsi ailədə və tədris
ocaqlarında ən prioritet məsələlərdən biri olmalıdır.Bu baxımdan təmsil olunduğunuz Azərbaycan
Qarabağ Müharibəsi Əlilləri,Veteranları və Şəhid Ailələri İctimai birliyinin həyata keçirdiyi işlər barədə
ictimai birliyin nəzarət-təftiş komissiyasının sədri Aris Məmmədovla görüşüb söhbət etdik.
-Aris müəllim,Sizcə ölkəmizin 44 günlük savaşa qədər və zəfər qazandıqdan sonra vətənpərvərlik
tərbiyəsinin təşkili vəziyyətini qənaətbəxş hesab etmək olarmı?
– Bu gün gənclərin, o cümlədən hərbiçilərin vətənpərvərlik tərbiyəsi dövlət siyasətinin ən mühüm
istiqamətlərindən biridir.Ölkəmizdə gənclərin vətənpərvər ruhda tərbiyəsi daim ölkə başçısı İlham Əliyev
cənablarının diqqət mərkəzindədir.Vurğuladığınız kimi vətənin müdafiəsinə düşünmədən qalxmaq üçün
gənclərimiz ilk öncə bu tərbiyəni öz ailələrində,uşaq baxçalarında, orta məktəblərdə, ali təhsil
müəssisələrində və hərbi xidmətdə almalıdırlar.Təmsil etdiyim təşkilatın əsas vəzifələrindən biri də
gənclərin vətənpərvərlik ruhunda tərbiyə olunmasıdır.1-ci Qarabağ savaşından sonra istər gənclərimizdə
istərsə də xalqımızda ruh düşkünlüyü müşahidə edilməkdə idi.Məhz bununla əlaqədar Azərbaycan
Respublikasının Prezidenti bu sahəyə önəm verməyə başladı.Bildiyiniz kimi İctimai Birliyin 76 şəhər və
rayonlarda filialları mövcuddur.Hər bir filialın illik fəaliyyət planında vətənpərvərlik tədbirlərinə önəm
verilir.Belə ki, orta məktəblərdə dövlət bayramları günü məktəblərin Şəhid məzunlarının anım və doğum
günləri ilə əlaqədar filial sədrləri məktəb rəhbərliyi ilə birlikdə vətənpərvərlik tədbirləri həyata
keçirirlər.Tədbirlərə Qarabağın azadlığı uğrunda qəhrəmanlıq və şücaət göstərmiş qazilərimiz dəvət
edilməklə şagirdlərdə ruh yüksəkliyi oyanmağa başladı.2016-cı ilin aprel savaşında növbəti dəfə
Ermənistan Silahlı Qüvvələrinin hücumunun qarşısını alaraq əks hücum əməliyyatı həyata keçirən
ordumuz qısa zamanda strateji yüksəklikləri ələ keçirərək,ermənlərin mif kimi təbliğ etdikləri “Ohanyan”
səddini yara bildilər.Məhz bu savaşdan sonra xalq və ordunun bir olmasının şahidi olduq.Bu savaş
gənclərimizin vətənpərvərlik hisslərinin yüksəlməsinə səbəb oldu.Bu savaşdan sonra İctimai Birliyin
filialları vətənpərvərlik tədbirlərinin daha tez-tez keçirilməsinə önəm verdilər.1920-ci ilin iyul ayında
Tovuz istiqamətində düşmənin hücumunun qarşısını alarkən qəhrəmancasına Şəhidlik zirvəsinə ucalan
General-mayor Polad Həşimovun ,İlqar Mirzəyevin və daha 10 hərbiçimizin ölümü xalqımızın səbrinin
tükənməsinə gətirib çıxardı.Bunu hiss edən Silahlı Qüvvələrin Ali Baş Komandanı Cənab İlham Əliyev
dəfələrlə Ermənistan rəhbərliyinəvə Beynəlxalq Təşkilatlara bəyan etdi ki,bu cür təxribatlar bir daha
təkrarlanarsa Azərbaycan öz ərazi bütövlüyünü bərpa etmək hüququndan istifadə edəcək.44 günlük
savaşda Azərbayca Silahlı Qüvvələri düşmənin növbəti təxribatının qarşısını alaraq əks hücum
əməliyyatına başladı və qısa zamanda Ermənistanı kapitulyasiya aktına imza atmağa məcbur etdi.Savaşa
qatılmaq istəyən gənclərimizin sayı 100 minlərlə idi.Mən hesab edirəm ki, bu vətənpərvərlik tərbiyəsinin
düzgün təşkil edilməsinin nəticəsidir.Sevinirəm ki,bu işdə bizim də əməyimiz az olmayıb.
-Təşkilatınız vətənpərvərlik tərbiyəsi sahəsində hasnı Dövlət Qurumları ilə əməkdaşlıq edir?
Qeyd etdiyim kimi məktəblərdə vətənpərvərlik tədbirlərinin həyata keçirilməsi ilə əlaqədar təşkilatımız
Təhsil Nazirliyi ilə əməkdaşlıq edir.Bundan əlavə təşkilatımız Azərbaycan Respublikasının Səfərbərlik və
Hərbi Xidmətə Çağırış üzrə Dövlət Xidməti, Gənclər və İdman ,Mədəniyyət Nazirlikləri ilə əməkdaşlıq
edirik.
Həlimə Əliyeva
