Tədbirdə ictimai birliyin sədr müavini Aydın Şiriyev, Yasamal rayon filialının sədri Bəhram Şeydayev, filial üzvləri, eləcə də digər ictimai birliklərin rəhbərləri iştirak etdilər.
Çıxış edənlər 1945-ci il Qələbəsinin tarixi əhəmiyyətindən, Azərbaycan xalqının bu müharibədə göstərdiyi qəhrəmanlıqdan və eyni zamanda müstəqil Azərbaycanın ərazi bütövlüyü uğrunda canından keçən şəhidlərin şücaətindən danışdılar. İkinci Dünya müharibəsi və Qarabağ uğrunda şəhid olanların xatirəsi bir dəqiqəlik sükutla yad edildi. Daha sonra abidənin önünə gül dəstələri qoyuldu və tədbir iştirakçıları xatirə şəkli çəkdirdilər.
Bu kimi tədbirlər Azərbaycan xalqının tarixə olan ehtiramının, vətənpərvərlik ruhunun və şəhidlərin əziz xatirəsinə bağlılığının bariz nümunəsidir.
