Yunan mifologiyasına görə, Pandoranın qutusu ümidlə yanaşı, hər cür pisliyi ehtiva edən bir qutudur.
Rəvayətə görə, Prometey gizli şəkildə Zevs tanrısından odu oğurlayıb bəşəriyyətə bəxş edir. Bu vəziyyətdən qəzəblənən Zevs, o zaman heç kimin yaşamadığı Qafqaz dağlarında Prometeyi zəncirləyir. Yanında bir qartal qoyur. Bu qartal hər gün Prometeyin ciyərini yeyir və hər dəfə Prometeyin ciyəri yenidən əmələ gəlir. Bu şəkildə Prometey işgəncəyə məruz qalır. Prometey Herakl tərəfindən xilas edilir. Zevs bu vəziyyətə heç nə deməz, lakin zəncir halqalarının Prometeyin ayaqlarında qalmasını təmin edir. Beləliklə, Prometey əbədi olaraq cəzalandırılır.
Zevs insanlardan intiqam almaq istəyir. Zevsin göstərişi ilə tanrı Hefest sudan və torpaqdan ilk qadın heykəlini düzəldir. Bu baxımdan tövhid dinlərində insanların palçıqdan yaradılması hekayəsinə bənzəyir. Hər tanrı özünün bir hissəsini düzəldilən heykələ verir. Buna görə də tanrıların yaratdığı bu qadına “tanrıların hədiyyəsi” mənasını verən pandora deyilir. Zevs ürəyinə qoyduğu qığılcımla heykələ həyat verir. Afrodita Pandoraya öz gözəlliyini, Minevra cazibəsini, Hermes yalançılığı və hiyləsini, digər tanrılara isə müxtəlif xüsusiyyətlərini verir. Beləliklə, qadın yaradılarkən bütün tanrıların cəminə çevrilir. Tanrılar Pandoraya onlarda olmayan ağıl və duyğulardan başqa hər şeyi verirlər.
Tanrılar tərəfindən yaradılmış Pandora, tanrılar kimi eqoist və hisssizdir. Öz istəkləri üçün edə bilməyəcəyi heç bir şey yoxdur. Ağlı olmadığı üçün düşünə bilmir, buna görə də onu tanrılar idarə edir. Zevs Pandoraya bir qutu verib insanlara göndərir. Bu qutuya ümidlə yanaşı, bütün pislikləri, ağrıları, xəstəlikləri və kədərə səbəb olan şeyləri qoyur. Onlar bilir ki, son dərəcə maraqlı olan Pandora bir gün mütləq qutunu açacaq.
Prometey qardaşı Epimeteyi Zevsdən heç bir hədiyyə qəbul etməməyi xəbərdar edir. Lakin Pandoranın cazibəsinə müqavimət göstərə bilməyən Epimetey qardaşının xəbərdarlığını unudur və Pandora ilə evlənir. Bir müddət sonra qutuya maraq göstərən Pandora qutunu açır. Qutunun içindəki bütün pisliklər ətrafa səpələnir və ümid qutudan çıxmaq üzrə olduğu vaxt Pandora qutunun qapağını bağlayır. Beləliklə, qutuda ancaq ümid qalır.
Nigar Həziyeva
Vətən Naminə Mətbuat Xidməti
