Biləsuvarda Vətən müharibəsi şəhidinin anım günündə xatirəsi yad edildi
11 noyabr 2023-cü il tarixində Biləsuvar şəhərində şəhid Mirzəyev Sarvan Əli oğlunun anım günü ilə əlaqədar ailəsi və məzarı ziyarət olunaraq, əziz xatirəsi dərin ehtiramla yad olundu.
VETENNAMİNE.AZ xəbər verir ki, ziyarətdə Biləsuvar rayon İcra Hamkimiyyətinin məsul işçisi Röyal Quluzadə, Deputatın köməkçisi Əfsun Əlizadə, YAP Biləsuvar rayon təşkilatının sədri Kamil Qurbanlı və partiya fəalları, QMƏVŞA İB Biləsuvar rayon filialının sədri Bəhruz Əliyev, SHXÇDX-nin Biləsuvar rayon şöbəsinin rəisinin müavini mayor Vasif Rzayev, şəhid valideynləri, qazilər və ictimaiyyətin nümayəndələri iştirak etdilər.
Ziyarət zamanı qəhərman şəhidimizin şərəfli döyüş yolundan söz açılaraq, xatirəsi yad edilmiş, ruhuna dualar oxunmuş və valideynlərinə başsağlığı verilmişdir.
Məlumat üçün qeyd edək ki, Azərbaycan ordusunun MAHHXHQ olmuş şəhid Mirzəyev Sarvan Əli oğlu – 01 yanvar 1995-ci ildə Yardımlı rayonunun Zevin kəndində anadan olmuşdur. 2013-cü ilin oktyabr ayında Qusar şəhərində yerləşən N saylı hərbi hissədə həqiqi hərbi xidmətə başlamış və 2015-ci ilin aprelində xidmətini başa vurararaq təxris olunmuşdur. 2019-cu ilin aprel ayında müddətdən artıq həqiqi hərbi xidmət qulluqçusu olaraq, yenidən orduya qayıtmış və Naxçıvanda yerləşən N saylı hərbi hissədə xidmətə başlamışdır.
Azərbaycan Respublikasının ərazi bütövlüyü uğrunda 27 sentyabr 2020-ci il tarixindən başlanan 2-ci Qarabağ müharibəsində iştirak etmiş və Şuşa istiqamətində gedən döyüşlərdə qəhrəmancasına şəhid olmuşdur. 11 noyabr 2020-ci ildə Biləsuvar şəhər qəbiristanlığında dəfn olunmuşdur. Müzəffər Ali Baş Komandan İlham Əliyev tərəfindən şəhid Mirzəyev Sarvan Əli oğlu ölümündən sonra “Vətən uğrunda”, “Şuşanın azad olunmasına görə” və “Xocavəndin azad olunmasına görə” medalları ilə təltif edilmişdir. Şəhid Sarvan Mirzəyev ailəli idi, 1 qız övladı dövlətimizə və xalqımıza əmanətdir. Şəhidimizin adı əbədiləşdirilərək küçələrdən birinə verilmişdir.
