VETENNAMİNE.AZ xəbər verir ki, ölkəmizin ərazi bütövlüyünün və Azərbaycanın Konstitusiya quruluşunun bərpa edilməsi məqəsdilə 19 sentyabr 2023-cü il tarixində Azərbaycan Respublikasının Silahlı Qüvvələri tərəfindən Qarabağda aparılmış antiterror tədbirləri zamanı şəhid olmuş Biləsuvar şəhərindən Azər Sulduz oğlu Məmmədovun, Xırmandalı kəndindən Rəsul Yusif oğlu Teymurovun, Təzəkənd kəndindən Rəşid Mətəd oğlu Zeynallının 40 mərasimlərində xatirələri ehtiramla anılıb. Anım mərasimində Biləsuvar rayonu İcra Hakimiyyətinin başçısı Faiq Qürbətov, YAP Biləsuvar rayon təşkilatının sədri Kamil Qurbanlı, Deputatın köməkçisi Əfsun Əlizadə, Ağsaqqallar Şurasını sədri Akif Kazımov, hüquq mühafizə orqanlarının rəhbərləri, QMƏVŞA İB Biləsuvar rayon filialının sədri Bəhruz Əliyev, şəhid valideynləri, qazilər, ictimaiyyətin nümayəndələri şəhidlərin ata ocağını ziyarət edərək, valideynləri və yaxınları ilə görüşüblər.
Şəhidlərin 40 mərasimlərində bildirilib ki, Azərbaycan xalqının qüruru, fəxri olan şəhidlərimizin xatirəsi daim əziz tutulacaq və dövlətimiz hər zaman şəhidlik zirvəsinə ucalan igidlərimizin ailələrinin yanında olacaqdır.
Allah Şəhidlərimizə Rəhmət Etsin!
