Bərdə Tarix-diyarşünaslıq muzeyində tədbir keçirilib
Bərdə Tarix-diyarşünaslıq muzeyinin əməkdaşları 44 günlük Vətən müharibəsi Şəhidlərini tanıtmaq məqsədilə 2021-ci ilin əvvəlindən "Tanıyaq tanıdaq" adlı layihəyə başladı, 2 ilə yaxın bir vaxt ərzində Bərdə rayonundan olan bütün Şəhid ailələrini ziyarət edib , şəhidlərin şəxsi əşyalarını ailələrindən təhvil alaraq muzeydə ,,Vətən Müharibəsində Şəhid olmuş Bərdə İgidləri "adlı Guşə yaratdı.
VETENNAMİNE.AZ xəbər verir ki, 2022–ci ildən mütəmadi olaraq “Tanıyaq- tanıdaq” layihəsinin davamı olaraq Bərdə Tarix-diyarşünaslıq muzeyində Şəhidlərimizə həsr olunmuş “Açıq dərslər” keçirilir.
Bu günkü “Açıq dərs” Vətən müharibəsi Şəhidi Şükürov Sərvan Sərxan oğluna həsr edildi.
Açıq dərs Bərdə rayon İ.Abbasov adına Kələntərli kənd tam orta məktəbin tarix müəlliməsi Məmmədova Zemfira müəllimənin təşkilatçılığı ilə hazırlandı.
İlk olaraq Vətənin azadlığı uğrunda canından keçən şəhidlərin əziz xatirəsi bir dəqiqəlik sükutla yad edildi, daha sonra Azərbaycan Respublikasının Dövlət Himni səsləndi.
Tədbiri muzeyin direktoru Kəmalə xanım açıq elan etdi .Sonra muzeyin elmi işçisi Turanə Məmmədova qonaqlara söz verdi.Tədbirdə Şəhid Şükürov Sərvanın anası Babaşova Səidə, Şəhidin bacısı Şükürlü Cəmalə, Qarabağ Müharibəsi Əlilləri, Veteranları və Şəhid Ailələri İctimai Birliyinin Bərdə üzrə sədri Hüseynova Etibar, Bərdə qəzetinin əməkdaşı Əliyeva Şükufə,şairə Əliyeva Arzu, Qarabağ Regional Təhsil idarəsi Bərdə sektorunun metodisti Qasımov Cəlal ,İlqar Abbasov adına Kələntərli tam orta məktəbin direktoru Alıyev Əlləddin və muzey əməkdaşları iştirak etdi.
Məktəbin tarix müəlliməsi Zemfira Məmmədova Şəhidin həyatı , şərəfli döyüş yolundan danışdı və vidyoçarx nümayiş etdirildi . Sonra isə məktəbin 7 -cu sinif şagirdlərinin hazırladığı kompazisiya nümayiş etdirildi.
Sonda qonaqlara söz verildi .Xatirə fotoşəkilləri çəkildi və məktəblilər muzeyi ekskursiya etdilər.
