Şabran rayonunda “Heydər Əliyev ili” çərçivəsində Azərbaycan Respublikasının Gənclər və İdman Nazirliyinin yaradılmasının 29-cu ildönümü münasibətilə “Heydər Əliyev və vətənpərvər Azərbaycan gəncliyi” mövzusunda konfrans keçirilib.
Vetennamine.az – ın şimal bürosu xəbər verir ki, 26 iyul 2023-cü il tarixində Şabran Rayon Heydər Əliyev Mərkəzində Quba-Xaçmaz Regional Gənclər və İdman İdarəsinin Şabran rayonu üzrə gənclər və idman sektoru və Heydər Əliyev Mərkəzinin birgə təşkilatçılığı, Şabran Rayon İcra Hakimiyyətinin dəstəyi ilə Heydər Əliyev Mərkəzində “Heydər Əliyev ili” çərçivəsində Azərbaycan Respublikasının Gənclər və İdman Nazirliyinin yaradılmasının 29-cu ildönümü münasibətilə “Heydər Əliyev və vətənpərvər Azərbaycan gəncliyi” mövzusunda konfrans keçirilmişdir.
Ümummilli Lider Heydər Əliyevin 100 illik yubileyinin və Gənclər və İdman Nazirliyinin yaradılmasının 29-cu ildönümünün qeyd edilməsi məqsədilə keçirilən tədbirdə Quba-Xaçmaz Regional Gənclər və İdman idarəsinin Şabran rayonu üzrə gənclər və idman sektorunun müdiri Süleyman Əliməmmədov, Şabran Rayon Heydər Əliyev Mərkəzinin direktoru Təvəkkül Əliyev, Rayon İcra Hakimiyyətinin başçısı aparatının məsul işçiləri, rayonun idarə, müəssisə və təşkilatlarında çalışan gənclər və tələbələr olmaqla ümumilikdə 50 nəfər iştirak etmişdir.
Tədbirdə əvvəllcə Ümummilli Lider Heydər Əlivin xatirəsi bir dəqiqəlik sükutla yad edilmiş, sonra Şabran rayonu üzrə gənclər və idman sektorunun müdiri Süleyman Əliməmmədov açılış nitqi ilə çıxış etmişdir. Daha sonra Heydər Əliyev Mərkəzinin direktoru Təvəkkül Əliyev, Rayon İcra Hakimiyyətinin başçısı aparatının Hüquq şöbəsinin məsləhətçisi Günay Cavadova, Şabran rayonu üzrə gənclər və idman sektorunun baş məsləhətçisi Vüsal Alışov, YAP Şabran Rayon Təşkilatının məsləhətçisi Simran Süleymanov, Media nümayəndəsi Günay Atayeva və Azərbaycan Kooperasiya Universitetinin III kurs tələbəsi Səma Əliyeva mövzu ilə bağlı çıxış etmışlər.
Sonda Ümummilli Lider Heydər Əliyevin gənclərlə bağlı fəaliyyətini əks etdirən videoçarx nümayiş olunmuşdur.
