HomeBütün XəbərlərTərtərdə Xocalı soyqırımının 28-ci ildönümü ilə əlaqədər yürüş kecirilmişdir

Tərtərdə Xocalı soyqırımının 28-ci ildönümü ilə əlaqədər yürüş kecirilmişdir

Tərtərdə Xocalı soyqırımının 28-ci ildönümü ilə əlaqədər yürüş kecirilmişdir

Xalqımızın tarixinə qanla yazılan Xocalı faciəsinin 28-ci ildönümü respublikamızın hər yerində olduğu kimi, Tərtər rayonunda da silsilə tədbirlərlə qeyd edilib. Tərtər rayon İcra Hakimiyyəti tərəfindən hazırlanmış tədbirlər planına uyğun olaraq rayonun idarə və təşkilatlarında, təhsil ocaqlarında faciə ilə bağlı müxtəlif tədbirlər, inşa yazı müsabiqəsi, foto və rəsm sərgiləri təşkil edilib. Rayon Mədəniyyət Mərkəzində Xocalı soyqırımının dəhşətlərini əks etdirən ədəbi-bədii kompozisiya nümayiş olunub. Rayon rəhbərliyi tərəfindən Xocalı sakinləri ilə görüş keçirilərək problemləri dinlənilib, onlara ərzaq yardımı göstərilib.

Fevralın 26-da isə Tərtər şəhərində ümumrayon yürüşü keçirilib. Minlərlə sakinin iştirak etdiyi yürüş Şəhidlər abidəsinədək davam edib. Rayon rəhbərliyi, ağsaqqallar, gənclər, ziyalılar, müharibə veteranları və Qarabağ əlilləri əmək kollektivlərinin nümayəndələri, Xocalıdan olan məcburi köçkünlər, N saylı hərbi hissənin əsgər və zabitləri abidə önünə gül dəstələri düzərək faciə qurbanlarının xatirəsini ehtiramla yad ediblər. Xocalıda həlak olanların ruhuna dualar oxunub.