Son Xəbərlər:
DOST Agentliyinə könüllülərin seçimi keçirilib

DOST Agentliyinə könüllülərin seçimi keçirilib

ƏƏSMN-nin ictimaiyyətlə əlaqələr və kommunikasiya şöbəsindən vetennamine.az saytına verilən məlumata görə DOST (Dayanıqlı və Operativ Sosial Təminat) Agentliyi və “DOST” mərkəzlərində könüllülük fəaliyyətinin təşkili prosesinə start verilib.

Bu sahədə işlər nazirlik və Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi  arasında əməkdaşlığa dair 2018-ci il 28 avqust tarixində imzalanmış Memorandum əsasında aparılır. ASAN Könüllülük Məktəbinin “Master 2” proqramı çərçivəsində DOST Agentliyində təcrübə keçəcək könüllülərin seçimi keçirilib.

Müsahibədə iştirak edən namizədlərin şəxsi keyfiyyətləri və müxtəlif sahələr üzrə bilik və bacarıqları qiymətləndirilib və onların sırasından təcrübə keçmək üçün 20 nəfər seçilib.

“DOST könüllüləri” tezliklə fəaliyyətə başlayacaq. “DOST” Mərkəzində göstərilən xidmətlərdən yararlanmaq üçün müraciət edən vətəndaşlara prosedurları və qaydaları başa salacaq, onlara ərizə və anketlərin yazılmasında yardım edəcəklər.

BIGTheme.net • Free Website Templates - Downlaod Full Themes
Мой заголовок