Son Xəbərlər:
Bakının işğaldan azad olunmasının 101 illiyinə həsr edilmiş sərgi keçirilib

Bakının işğaldan azad olunmasının 101 illiyinə həsr edilmiş sərgi keçirilib

Heydər Əliyev Mərkəzində Azərbaycan Rəssamlar İttifaqının və Türkiyənin Azərbaycandakı səfirliyinin birgə təşkilatçılığı ilə Bakının erməni-daşnak qüvvələrinin işğalından azad olunmasının 101 illiyinə həsr edilmiş sərginin  açılışı oldu.

İlk öncə Türkiyə və Azərbaycanın dövlət himnləri səsləndirildi.

Tədbirdə Türkiyənin Azərbaycandakı səfiri Erkan Özoral, Azərbaycan Rəssamlar İttifaqının sədri Arif Hüseynov, Yeni Azərbaycan Partiyasının (YAP) Yasamal rayon təşkilatının sədri Tağı Əhmədov, Yasamal Rayon İcra Hakimiyyətinin rəhbərliyi və ictimaiyyət nümayəndələri iştirak edirdilər.

Çıxış edən E.Özoral qeyd etdi ki, Türkiyə və Azərbaycan xalqı eyni soykökə malik millətin nümayəndələridir: «Bu gün Türkiyədən gələn qazilər də bizimlədir. Türkiyə və Azərbaycan eyni dinə, eyni dəyərlərə malik dövlətlərdir. Bu iki ölkənin əhalisi bir-birinə çox bağlıdır. Tarixdə bu bağlılığı sübuta yetirən çox hadisələr baş verib. 101 il öncə də Nuru Paşanın Bakıya gəlişi bir daha «bir millət, iki dövlət» cümləsinin mənasını əməli yol ilə nümayiş etdirdi. Bu gün Azərbaycanda 14 şəhid məzarlığı var. Bu millətin Mustafa Kamal Atatürk və Heydər Əliyev kimi liderləri olub. Qafqaz İslam Ordusunun xatirəsi bizim qəlbimizdə əbədiləşdirilib. Həmişə biz bu müqəddəs günü qəlbimizdə əziz tutacağıq. Bizim üzərimizə düşən əsas vəzifələrdən biri də Qafqaz İslam Ordusunun Bakını işğaldan azad etdiyi tarixi unutmamağımızdır».

Səfirdən sonra, Yasamal Rayon İcra hakimi Əziz Əzizov, xalq rəssam Arif Hüseynov və sərginin kuratorları, Azərbaycan Rəssamlar İttifaqının üzvləri Aygün və Elburə İsgəndərovalar da nitq söyləyiblər.

Sərgidə Nuru Paşanın başçılığı altında Qafqaz İslam Ordusunun Bakını işğaldan azad etməsindən bəhs edən rəsm əsərləri nümayiş olunub. Ümumilikdə, sərgidə təsviri sənətin bütün növləri üzrə 35 rəssam 40-a yaxın rəsm əsəri yer alıb.

Sonda sərgidə əsərləri nümayiş olunan iştirakçılar diplomla təltif olunublar.

BIGTheme.net • Free Website Templates - Downlaod Full Themes
Мой заголовок