Son Xəbərlər:
Azərbaycan Silahlı Qüvvələrinin ilk peşəkar əməliyyatı – Daşaltı əməliyyatından 26 il ötür (VİDEO)

Azərbaycan Silahlı Qüvvələrinin ilk peşəkar əməliyyatı – Daşaltı əməliyyatından 26 il ötür (VİDEO)

Daşaltı əməliyyatı 1992-ci il 25 yanvarda axşam saat 20:00-da başlanıb və yanvarın 26-da axşam saatlarında uğursuzluqla başa çatıb. Şuşa yaxınlığında yerləşən Daşaltı kəndinin azad edilməsi məqsədi ilə həyata keçirilən əməliyyata sabiq müdafiə naziri, general-mayor Tacəddin Mehdiyev özü birbaşa rəhbərlik edib. Əməliyyatda yenicə yaranmış Azərbaycan Ordusununkönüllülərdən ibarət 3 bölüyü və Şuşa şəhərinin müdafiə taborunun döyüşçüləri iştirak edib.

Taktiki səhvlər, qruplar arasında rabitə əlaqəsinin olmaması, əməliyyat sirrinin yayılması və bələdçilərin xəyanəti nəticəsində Nəbilər kəndi istiqamətindən Daşaltıya daxil olan Azərbaycan tağımları düşmənin pusqusuna düşərək tamamilə məhv edilib. Kəndə daxil olmuş bir neçə tağım isə xeyli itki verərək geri çəkilə bilib. Rəsmi məlumatlara görə, Daşaltı əməliyyatında Azərbaycan Ordusu 90 nəfərdən artıq itki verib, bundan başqa onlarla əsgər hələ də itkin düşmüş sayılır.

Döyüşdə ermənilər də bir neçə texnika və 80-ə yaxın canlı qüvvə itirib.

Daşaltı əməliyyatının uğursuzluğa düçar olmasına baxmayaraq, bu əməliyyat Azərbaycan Müdafiə nazirinin birbaşa iştirakı və hadisə rayonunda proseslərə birbaşa rəhbərlik etməsi ilə tarixdə qaldı. Bu döyüş Azərbaycanın hərb tarixi nöqteyi-nəzərindən kifayət qədər böyük önəm daşıyır.

Mir Şahin: “Mən, ‘Ən yeni tarix’ verilişinin aparıcısı olaraq, teleensiklopediyamızın ‘bir daş altda, bir daş üstdə’ prinsipi ilə fəaliyyət göstərməsini istəmirəm və buna cəhd göstərən insanlardan da xahiş edirəm ki, tariximizə açıq olsunlar”.

BIGTheme.net • Free Website Templates - Downlaod Full Themes
Мой заголовок