Avropa Məhkəməsi ölmüş erməniyə görə Azərbaycanı cərimələdi

Avropa İnsan Haqları Məhkəməsi (iddia ərizəsi verildikdən 9 ildən çox) Azərbaycana 2010-cu ildə azərbaycanlı əsirliyində vəfat etmiş Manvel Saribekyanın ailəsinə 62 min avro ödəməyi öhdəsinə götürmək qərarına gəlib…

Bu barədə AİHM-in rəsmi saytında bildirilir. Qeyd edək ki, 2010-cu ilin sentyabr ayında sərhəd Tucur kəndinin 20 yaşlı sakini Manvel Saribekyan Azərbaycan ərazisinə keçib.

Erməni mediası hökmə istinadən yazır ki, Azərbaycan İnsan Hüquqlarının və Əsas Azadlıqların Müdafiəsi Konvensiyasının 2-ci maddəsini (yaşamaq hüququnun pozulması), habelə 3-cü (işgəncələrin qadağan edilməsi) maddəsini pozub.

Məhkəmənin hökmünə görə, Azərbaycan mənəvi zərərə görə 60 min avro və hüquqi xərc kimi 2200 avro ödəməlidir.(konkret.az)

Mənbə: pia.az